Faadorde Lesdi Andini lorataa ɓaawo dow honol Mosle

0
70

Faada ardiiɗo lesdi Naajeeriya andini kala a’yo ngo woɓɓe fondata ngam fadduki taskaram honol mosle ka ngomnati lesdi taaditi her naftirki nyidda baale’en heɓataa nasaraaku.

Andinoore nden ɓesdi sattinki jokke Naajeeriya’en haftaniiɓe taskutuɓe wankoore haramnde nde tefol ardiiɗo Buhari warta malla ɗala laamu nde woɓɓe taskiti haa daldal kawtal hoore lesdi ngal Unity fountain haa Abuja laamorde lesdi Naajeeriya.

Nde O waɗananno kawte dogginiiɓe wankoore baawal ɓaawo ardiiɗo lesdi Buhari cembinde nawlu nde ɓen ton doggini, mooɓunde kawte rentooɓe hakke innu adama’en, Ballo ardiiɗo Buhari musamman her caakol kubaruuji e maatootiro, Garba Shehu wicci haala tefre wartuki koo jippuki laamu ardiiɗo Buhari jabruɗe ɗe o wi ‘yatti diidaaɗi nden taskaram on ka woɓɓe taskiti ngam ngayngu honol mosle ɗe ngomnati ardiiɗo Buhari ardini.

“Wolaa hujja banni tokka, botoriiɓe nguykaaji e ayiibeeji caaliiɗi on ɗo hona Naajeeriya jotta, naanema ɓe barri’en dow honuki mosle caɗɗum. Lesdi ndi yotti debbo gooto ngam heɓi jarful lattuki minista tan wujji ceede lesdi ‘yattuɗe biliyonji 47.2 e areeji ɗi saman maaji niija dillanan dalaaji America miliyonji 487.5 ɗum hukuuma honoowa mosle e dulmol jawle ummaatoore hefti.

Naanema en tammataa irin ɓee-ɗoo bee sukaaɓe maɓɓe acca ngomnati ardiiɗo Buhari jooɗa jam. ɓe yiɗi ɓe sottina hakkilo ngomnati iga kuuɗe boɗɗe ɗe nga ardini, ko ardiiɗo lesdi hiddeekoojo yiɗi andinki Naajeeriya’en ngomnati maako turnataake koo seɗɗa,”.

Nde O wolwanno dow darnde  taskuɓe wankoore nden, Tumbaljo maɓɓe Goodluck Obi andini dow kawtal ngal ɗo wambi ɓaawo ngomnati ardiiɗo lesdi e taskaram honuki mosle ɗum ngomnati ardini,

Obi andini: “Iga hande haa dow ɗoo lewru haa saala lewru nde weeti fuu min dogginan wankoore haa daldal Unity Fountain,ngam min fooɗa noppi halla ɓernde en halluɓe lesdi, Naajeeriya’en ɗo wambi ɓaawo ngomnati ardiiɗo Buhari bana no ballinaaɗi laamu dimokraɗiya e diidaaɗi lesdi yowani min iga 28 lewru march hitande 2015.”

Gurin

SHARE

LEAVE A REPLY