Hukuuma Donye ka lesdi heɓi Ceede nastooje Nayraji Miliyonji 111.75 nder jiha Adamawa tan.

0
32

Hukuuma donye malla (Custorms) ka lesdi Naajeeriya lisal mooɓungal jiha Adamawa e Taraba andini heɓi cede nastooje dillanɗe Nayraaji miliyonji 111.75 hakkunde lewru arandeeru ndu hitande ndee hewtuki lewru 6 timmundu ndu june.

Konturola hooreejo lisal ngal, Mr Francis Adetoye, on suuɗitikaa nde haalidanno bee kubaru’en haa ‘yola laamorde jihawol Adamawa.

O wi hukuuma kan jafti areeji feere feere 22 nder wakkatiyel ngel ɗi saman maaji niija dillanan miliyonji 42.765.

O andini nder lewru june ɗo tan hukuuma kan heɓi ɓesdaari cede nastooje ‘yattuɗe Nayraaji miliyonji 26.

Adetoye ɓesdi e andinki dow lisal ngal jafti motawa maapindiwa rondunga nebbam fuu, nga woɓɓe a’yino yaaranki turtuɓe Booko haraamun nder laynde Sambisa.

O wii mootawa ngan tawraama bee nebbam ‘yaatuɗam jollooji nebbam 500 ko nga nangaa.

Ardiiɗo on weeɗanɗo kubaru’en areeji ɗi hukuuma kan jafti andini dow ɓurnaa fuu jaftaama on dow ɗatal MUbi faaki Madagali fu under jiha Adamawa.

Gurin

SHARE

LEAVE A REPLY