Kawtal ECOWAS walliti hijirɓe Woyla walaadu Fuuna bee Nyamdu

0
22

Kawtal lesɗe hirnangeeje Afirka ngal ECOWAS hokki hijirɓe tayre woyla walaadu fuuna lesdi Naajeeriya wallinde nyamndu ndu saman maaru hewti dalaaji America miliyonre.

Ngomnaajo jihawol Borno Kashim Shetima on jaɓi wallinde nden dow darnde hijirɓe ɓen e jihaaji ɗin fuu majji.

Nde O li’yanannno ngomnaajo on wallinde nden, darektaajo kakkilananɗo yebre wallinde haa kawtal ECOWAS, Mrs. Florence Iheme, andini dow wallinde nden hebbitinki alƙawal on ngal ardiiɗo kawtal ngal, Mr. Marcel Alain de Souza, hoosino yaake nde yaarino ngilla haa Maiduguri laamorde jihawol Borno rowani.

Mrs. Iheme andini dow wallinde nyamdu ndun nokkaama on iga sigorde nyamdu kawtal ngal malla bembe maagal gonɗe Lome nder lesdi Togo.

O wi nyamdu ndu sendaa yaara Damaturu jihawol Yobe, Gombe laamorde jihawol Gombe, Yola faada jiha Adamawa e Maiduguri laamorde jihawol Borno hawti e Butali, Gawri, Yaɗiiri, ɗum dillani tonji ujine 22, 600, nden woodi luttano maroori bo ɗon dow ɗatal ndi ɗuɗal maari kayri tan yotti tonji 700.

Mrs. Iheme andini dow kawtal lesɗe hirnangeeje Afirka ngal ECOWAS tokkan kala laabi kanduɗi fuu ngam tabutunki raggiɗini gannuɗi soynde nyamndu e weelo hakkunde lesɗe kawtal ngal e tayre Afirka fuu no foti.

Gurin

SHARE

LEAVE A REPLY