Kubaru’en tefraama wallita her Sattinki Narral hakkunde Naajeeriya bee Chaina

0
65

Kubaru’en nder lesdi Naajeeriya tefraama winda kubaruuji sattinooji narral ɓoocingal ngal won hakkunde Naajeeriya e lesdi Chaina.

Luuto ministaajo caakol kubaruuji lesdi Chaina, Mr. Guo Weimin, on waɗi noddandu ndun yaake giidal kubaru’en hakkunde lesdi Chaina e Naajeeriya ngal dogginaa haa Abuja laamorde lesdi Naajeeriya.

O wi lesdi Chaina e Naajeeriya waawan naftira laabi caakol kubaruuji ɗi lesɗe ɗen mari her andinki kubaruuji gongaaji dow lesɗe ɗen, naa bana no lesɗe nasaara’en hirna hokkirta kubaruuji lesɗe yaasi bana yidde ɓernde maɓɓe.

” Miɗo yela Ci’e caakol kubaruuji lesdi Naajeeriya tokkan sattinki narral ngal won hakkunde lesdi Naajeeriya e Chaina. Ci’e caakol kubaruuji ɗum ɗatal on ngal nyiɓuki nirje hawtooje ummaatoore” Mr. Weimin wii.

O famtini dow wanginki taskaram hawtuki hoore e jillindirki/ canjundirki  kubaru’en hakkunde Chaina e ɓe lesdi Naajeeriya maran bote sanne, ngam buttuli ɗin ɗiɗi fuu botoran non maajum her laabi caakol kubaruuji lesɗe ɗen ɗiɗi.

Non O wi narral ɓoocingal ngal won hakkunde Naajeeriya e lesdi Chaina barkantewal nden lesɗe ɗen ɗiɗi fu bo ɗo botora ngal no handi e yeluki ngal tokkan.

“Naajeeriya woodi himmiɗinaare her fa’al yeeso kilantaaku lesɗe Afirka. Lesdi Chaina boo ɗo yeli sattinki narral maari bee lesɗe fa’ooje yeeso barkanteeje irin Naajeeriya”.

Nder boliiɗe maako ardiiɗo kompaniwa jariida malla ɓaade caakol kubaruuji Leadership Group, Mr. Sam Nda Isaiah, lattuɗo wernuɗo Chainanko’en ɓen andini ɓe lesdi Chaina saali lardeeki marndi kilantaaku riskuuji lesdi tan, ndi yotti darnde lesdi cembindi nder duuniyaaru.

“Min yiɗi ngomnati lesdi Chaina anda, duuniyaaru fuu ɗon ewa ndi nden ɗo tammirindi bee holluki ardungal bongal nder duuniyaaru, ɗo jarfu on ngu lesdi ndin mari handay bo ndi wudina saalandi”.

Non O wi Duuniyaaru fuu ɗo waatani lesdi Chaina hakkilo ngam hurguki gannuɗi e fitinaaji ɗi won hakkunde lesdi Koriya woylaari e lesdi America ngam yiiki hakkunde lesɗe ɗen saali fijirde jotta.

Gurin

SHARE

LEAVE A REPLY