Mi Bamtan Darajaaji Lesdi Faransa Nder Duuniyaaru-Macron

0
57

Ardiido lesdi Faransa keso Emmanuel Macron efti alkawal lornanki lesdi ndin darajaaji maari nder Duuniyaaru.

Macron mardo duubi 39,efti alkawal ngal on yaake nde O wadananno bibbe lesdi ndin jawaabu baawo hunnuki mo arddiido lesdi Faransa keso lamar ka doggina nyande alat yawtunde ha gallure Paris,laamorde lesdi ndin asaweere woore baawo nasaraaku ngu o hebi dow Marine Le Pen bee kase 65 dum duudal dereeji cubi din ha cubi lesdi ndin didabre di doggina 7 lewru nduu.

Nder haalaaji tilimdi di ardiido faransa wolwi nder jawaabumum hawti e firlutuki yaake njamu lesdi ndin, yaake rento lesdi ndin, firlutuki yaake golle e golloobe e wadduki bayli nder dogginirgal kawtal lesde Oroba ngal EU.

Non Macron efti alkawal heftanki Faransa en ndimu mabbe e bamtuki dimokradiyyawu lesdi nidn fuu, famda duubiijo meedudo laamuki lesdi Faransa iga baawo laamuki.

 

Ardido lesdi Faransa Emannuel Macron lammini Alexis Kholer dow darnde sekatareejo mawdo mo faada laamu lesdi ndin Elixee, lamu burdungu saman hakkunde huuwoobe nder faada ardido lesdi ndin.

Nden o meti chimajo mawdo bi’eteedo Philip Eien dou darnde sawroowo mo dow harkaaji yaasi lesdiiku

Kholer mardo duubi 44 darino darnde ardiido gollobe ofisru mr Macron yaake nde o lattino ministjo lesdi ndin.

Jottafu kanko on horejo nder gollobe jaggonoobe ardido lesdi ndin keso on.

Hande altine doo on en tammata O andinan Prime ministaajo lesdi ndin keso hidde ngilla maako arana ka o taski yaaruki Berlin laamorde lesdi Jamani Angela Markel nder ko tammetee ardiido faransa keso on dawridan bee mo Jamani hawti e yaake ballinaadi tigguki kawtal Oroba ngal EU iga yaake rento lesde kawtal ngal eko nandi e maajum.

Gurin

SHARE

LEAVE A REPLY