Sooja’en Ngomnati Ivery Cost Taaditi Ngam Yiiki Ragare Turtol Soja

0
92

Tokkere Soja’en Nomnati lesdi Ivory Coast andini hoosi jabrude godde ngam raggidinki fitinaaji e turtol ngol Sooja’en ‘yummini nder Berniwol Bouake, gallure didabre her mangu nder lesdi ndin, haa dillani nyalde tati jooni don nder juude Sooja’en turtube.

Soja en turtube ben caaki dow barawe galluje dudde nyande Asawe yawtunde, haa be sukki laabi nastuki e wurtuki Berniwol Bouake non be dooli ombol luube fuu.

Sooja’en ben hoosi jabrude den on, ngam holluki suno mabbe faaki ngomnati lesdi ndin Sababu sabbutuki haa yobukibe njobdi alawusji mabbe dum ngomnati hoosannobe alkawal baawo turtol irin ngoldo ngol be dogginno nder lewru January.

Sooja’en turtube ben artino andini dow be taskiti foflootirki bee Sooja’en wamboobe baawo ngomnati lesdi ndin tonii be tefi nastuki haala kan ko naftirki sembe dow mabbe.

Himbe njeweego’o nawnaama sababu fidol bindigaaji Soja’en turtube ben nder berniwol Bouake, yaake nde be a’yino dogginki wankoore wambuki baawo ngomnati nyande asawe yawtunde.

Nder andinoore nde wurtina Kenya Alat, holli dow a’yo soja’en ngo yiiki ragare fitinaaji Soja’en turtube ben do dow datal., Ngam Mawdo Sojaen ngomnati lesdi Ivery Cost Janaral, Sekou Toure andini dow burnaa soja’en turtube no aran fuu nooti tornde nde be toraa be dowti, amma sedda nder mabbe haini do ‘yatta diidadi lesdi, hujja ka wadi wamarde Soja lesdi doggina ngam naaduki be hakkilooji mabbe.

Nder lewru January Soja’en ben doolino ngomnati yobabe dala ujine 8 ko pamji ujine jeweegoo e temedde juyi kala gooto fuu njobdi alawus muudum hidde be de’ita be mbicca turtol ngol.

Nder lewru nduu on handino be njobee luttano njobdi ndin see nyande alhamisa yawtunde be nani tumbaljo mabbe andini dow be njaafi nden be bicci haalakan be munyi ko luuti andangal mabbe hujja ka lori turtunibe fahin.

Ngomnati Ivory Cost andini lorata wolwida sakko narrida bee Sooja’en turtube hollube soynde dowtraare bana ni

Dum do hultira taa Gannudidin lora naada lesdi ndin nder goddi fitinaaji kesi irin di lesdi ndin yiidino yaake kabe nder lesdi dum lesdi ndin foflino ko dillani duubi sappo raggidinaade nder hitande 2011.

Sooja’en yumminiibe fitinaaji jottaaji din fuu dum luttano Sooja’en turtube be naada nder soja ngomnati baawo narral jonde jam timminki konu lesdi ndin.

Gurin

SHARE

LEAVE A REPLY