Soojaen Turtube Omti date Nastol Gallure Ivery Cost

0
114

Sooja’en turtube nder lesdi Ivory Coast, malla Cotdevour Omti datal nastoowal gallure didabre nder lesdi ndin, Bouake, baawo nde be sukkino laabi nastol e wurtol gallure nden.
Ardiido Sooja’en turtube benandini nyande alat dow turtol mabbe dow soynde yobuki be hakkeeji mabbe don dow datal, nden ngomnati on bo be wondi naa himbe gelle.
“Min dawri omtuki laabi cdin on ngam min dala ummaatoore ngurtana haajeeji mabbe wolaa ko wanni in e mabbe.” Sergeant Seydou Kone andini.
Laarando gite mum e wakili’en ummaatoore nder tayre nden fuu tabbitini kubaru omtol laabi nastol e wurtol gallure Bouake lattunde dow datal laamorde lesdi ndin Abidjan e riftorde lesdi ndin maapinndiire dow keerol kesdi Mali.
Soojaen ben tiggube sangeeje e nokkuje widito dow barawe do widita dereeji kala tokkobe baeawe den e dereeji baanteedi mabbe fuu.
Amma nder caka gallure Bouake Soojaen ben do samma bindigaaji ngam ngam hulna himbe ayoobe dogginki wankoore nde hollol ngayngu turtol ngol Sooja en ben ngadata.
Gurin.

SHARE

LEAVE A REPLY